Guliston davlat pedagogika instituti tyutor lavozimi bo‘yicha bo‘sh ish o‘rniga tanlov e’lon qiladi!

Nomzodlarga qo‘yiladigan asosiy talablar:

🔹Oliy ma’lumotga ega bo‘lish;

🔹Talabalar bilan ishlash, ularning ta’lim-tarbiyasi va shaxsiy rivojlanishini qo‘llab-quvvatlash ko‘nikmalariga ega bo‘lish;

🔹Yuksak ma’naviy-axloqiy fazilatlar, mas’uliyat va tashabbuskorlikka ega bo‘lish;

🔹Samarali muloqot qilish va tashkiliy faoliyatni yo‘lga qo‘yish qobiliyatiga ega bo‘lish.

Nomzodlarni baholash mezonlari:

Tanlov jarayonida nomzodlarning ma’lumoti, kasbiy bilim va ko‘nikmalari, pedagogik-psixologik tayyorgarligi, ish tajribasi hamda talabalar bilan ishlash salohiyati belgilangan tartibda baholanadi.

Tanlov ochiqlik, xolislik va shaffoflik tamoyillari asosida o‘tkaziladi.

Murojaat uchun:

Hujjatlarni topshirish tartibi va muddatlari yuzasidan batafsil ma’lumot olish uchun institutning Kadrlar bo‘limiga murojaat qilishingiz mumkin.

Mas’uliyatli, tashabbuskor va kasbiy salohiyatga ega nomzodlarni tanlovda ishtirok etishga taklif etamiz!