GulDPI - “WORLD EDU-2023” xalqaro ko‘rgazmasida 2-kun
#GDPI #GSPI #EDU
GulDPI - “WORLD EDU-2023” xalqaro ko‘rgazmasida
O‘zbekiston Respublikasi Prezidentining Farmoniga asosan 2022-2026 yillarga mo‘ljallangan “Yangi O‘zbekistonning taraqqiyot strategiyasi”, “Insonga e’tibor va sifatli ta’lim yili” dasturi yuzasidan belgilangan vazifalar ijrosini ta’minlash maqsadida “SOF EXPO SAMARKAND” xalqaro ko‘rgazmalar markazida 2023-yilning 11-12- may kunlari “WORLD EDU-2023” xalqaro ko‘rgazmasi tashkil etildi.
Mazkur ko‘rgazmada Guliston davlat pedagogika instituti rahbarlari ham ishtirok etmoqda. Ko'rgazmaning 2-kunida Urganch davlat pedagogika instituti, Buxoro davlat pedagogika instituti, Jizzax davlat pedagogika institutlari bilan hamkorlik memorandumlari imzolandi. Shu bilan birga 2004- yilda Qozog'istonda tashkil etilgan Shimkent oliy pedagogika kolleji bilan hamkorlik memorandumi imzolashga erishildi. Bunda xalqaro kollej bilan hamkorlikda barcha sohalarda hamkorlik aloqalarini yo‘lga qo'yishga kelishib olindi.
Ma'lumot uchun: Shimkent oliy pedagogika kollejiga oliy ta'lim muassasasi maqomi berilgan bo'lib Maktabgacha ta'lim, Boshlang'ich ta'lim, Informatika, Musiqa ta'limi kabi ko'plab sohalar bo'yicha Qozog'istonda bakalavr kadrlar tayyorlashga ixtisoslashgan.
Ko‘rgazmada Guliston davlat pedagogika instituti rahbariyati faol ishtiroki uchun maxsus Sertifikat bilan taqdirlandi.
📥GulDPI axborot xizmati