Kasbiy ijodiy imtihonlar boshlandi!

#kasbiy_ijodiy_imtihon
 #Qabul_2023

Guliston  davlat pedagogika  institutida  2023-2024 oʻquv yili uchun bakalavriatning alohida iqtidor talab qilinadigan ta’lim yoʻnalishlarida kasbiy (ijodiy) imtihonlar boshlandi.

Bugun  25-iyul kuni  abituriyentlar  jismoniy  madaniyat, musiqa  ta’limi  hamda    tasviriy san’at  va  muhandislik grafikasi yo‘nalishlari  kasbiy  (ijodiy)  imtihonida  o‘z iqtidorlarini namoyon etmoqda.

Kasbiy (ijodiy)  imtihon   jarayonlarining  adolatli,   shaffof  va  yuqori saviyada  o‘tishini  ta’minlash maqsadida  qabul  komissiya  a’zolari  tomonidan nazorat  qilinmoqda.  Shuningdek, kasbiy (ijodiy)  imtihonlar o‘tkazilayotgan har bir xonalarga maxsus kuzatuv kameralari o‘rnatilgan.

Abituriyentlarning  ota-onalar  va  keng  jamoatchilik  vakillari  imtihon jarayonlarini  videokameralar orqali  to‘g’ridan-to‘g’ri  kuzatish   imkoniyati  ham yaratilgan.

GulDPI axborot xizmati