Pedagogik sinflar tashkil etiladi
Oʻzbekiston Respublikasi Prezidenti Administratsiyasining 2024-yil 6-yanvardagi 2024/2025-oʻquv yilidan boshlab “Hayot maktabi” dasturi doirasida pedagogik sinflar tashkil etish boʻyicha topshiriq asosida pedagogika sohasidagi oliy ta’lim muassasalarining 16 nafar professor - o‘qituvchilari Maktabgacha va maktab ta’limi vazirligi hamda Oliy ta’lim, fan va innovatsiyalar vazirligining tashabbusi bilan joriy yilning 4-11 may kunlari M.Tank nomidagi Belarus davlat pedagogika universitetida malaka oshirishga yuborildi.
Malaka oshirish kursida Guliston davlat pedagogika instituti Pedagogika kafedrasi katta o'qituvchisi (PhD) Misirova Nodira Tovbayevna pedagogik sinflar tashkil qilish bo‘yicha Belarus tajribasini o'rganmoqda.
Shuningdek, malaka oshirish dasturida Belarus Respublikasidagi pedagogik sinflar tashkil qilingan maktablarning amaliy tajribasini o‘rganish ham ko‘zda tutilgan.
