Boshlang‘ich ta'lim metodikasi kafedrasi

Kafedra haqida: “Boshlang‘ich ta’lim metodikasi” kafedrasi 2025-yil 29-avgustda  “Maktabgacha va boshlang‘ich ta’lim metodikasi” kafedrasidan ajratilgan holda Guliston davlat pedagogika insitutining 1-sonli Kengash qaroriga ko‘ra Pedagogika fakulteti tarkibida tashkil etilgan.

Kafedra maqsadi – boshlang‘ich sinflarda ta’lim-tarbiya jarayonini samarali tashkil eta oladigan, zamonaviy pedagogik yondashuvlarni amaliyotda qo‘llaydigan, kasbiy bilim va ko‘nikmalarga ega bo‘lgan pedagoglarni tayyorlash.

 Kafedra vazifalari:

-     boshlang‘ich ta’lim yo‘nalishidagi fanlarni o‘qitish va ta’lim sifatini oshirish;

-     talabalarda kasbiy bilim, pedagogik mahorat va zarur kompetensiyalarni shakllantirish;

-     boshlang‘ich sinf fanlari bo‘yicha darslarni rejalashtirish va samarali tashkil etish ko‘nikmalarini rivojlantirish;

-     ilg‘or pedagogik texnologiyalar va ta’lim vositalaridan foydalanishni o‘rgatish;

-     bilim va ko‘nikmalarni xolis baholash usullarini o‘rgatish;

-     bolalarning yosh, individual va psixologik xususiyatlariga mos ta’lim berishga tayyorlash;

-     o‘quvchilar bilan samarali muloqot qilish, tarbiyaviy ishlarni olib borish va inklyuziv ta’lim tamoyillariga amal qilish ko‘nikmalarini rivojlantirish;

-     talabalarning maktablarda amaliy tajriba orttirishiga ko‘maklashish;

-     ta’lim dasturlari, darsliklar va o‘quv-uslubiy materiallarni ishlab chiqish hamda yangilash;

-     boshlang‘ich ta’limga oid ilmiy izlanishlarni olib borish va natijalarini amaliyotga tatbiq etish;

-     maktablar va boshqa ta’lim muassasalari bilan tajriba almashish hamda hamkorlikni rivojlantirish.

Kafedra yutuqlari:

Oliy ta’lim, fan va innovatsiyalar vazirining 2026-yil 2-fevraldagi “2025-2026-o‘quv uchun respublika oliy ta’lim tashkilotlari bakalavriat bosqichi talabalariga O‘zbekiston Respublikasi Prezidenti va nomli davlat stipendiyalarini tayinlash to‘g‘risida”gi buyrug‘iga ko‘ra Boshlang‘ich ta’lim yo‘nalishi talabalaridan Maxmudova Sabina Amriddin qizi Prezident stipendiyasi, Qurbonboyeva Zuhra Davlatboy qizi Islom Karimov nomli davlat stipendiyasi sohibalari bo‘lishdi.