“Dolzarb 90 kun” loyihasi doirasida Guliston davlat pedagogika institutida talabalarning bo‘sh vaqtlarini mazmunli o‘tkazish, ular orasida sog‘lom turmush tarzini targ‘ib qilish maqsadida stol tennisi to‘garagi faoliyat olib bormoqda.

To‘garak mashg‘ulotlari orqali talabalar nafaqat sport bilan shug‘ullanishmoqda, balki e’tibor, chaqqonlik, refleks va jamoada ishlash ko‘nikmalarini ham rivojlantirishmoqda. Qizg‘in musobaqalar, do‘stona muhit va jismoniy faollik orqali yoshlar o‘z salomatliklarini mustahkamlab, yangi sport yutuqlari sari intilishmoqda.