Giyohvandlikka qarshi kurash — yoshlar hayoti va millat kelajagi uchun kurash

🤩Guliston davlat pedagogika instituti Tillarni o‘qitish fakultetida tyutorlar boshchiligida talabalar ishtirokida “Giyohvandlik — umr zavoli” mavzusida davra suhbati tashkil etildi.

Tadbir yoshlarni giyohvandlik xavfidan ogoh etish, sog‘lom turmush tarzini targ‘ib qilish hamda o‘z hayoti va kelajagiga mas’uliyat bilan yondashishga undashga qaratildi.

Giyohvandlik inson salomatligi bilan birga uning orzulari, oilasi va kelajagini ham xavf ostiga qo‘yadi. Yoshlarning bu tahdidga qarshi ongli munosabatini shakllantirish, zararli ta’sirlarga berilmaslik va hayotiy maqsadlariga qat’iy intilishini qo‘llab-quvvatlash ta’lim-tarbiya jarayonining muhim vazifasidir.

Yoshlarning hayotini asrash — jamiyat kelajagini asrash demakdir.