Institutimiz faxri
Avval xabar berganimizdek, aprel oyida Xitoyning Xanjou shahrida o‘tkazilgan kattalar o‘rtasidagi Osiyo chempionatida Guliston davlat pedagogika instituti Jismoniy madaniyat yo‘nalishi (XQS) 35-22-guruh talabasi Ulbo‘sin Hakimova 48 kilogramm vazn toifasida KURASH bo‘yicha OSIYO CHEMPIONI hamda Sirdaryo viloyati hokimi sovrini uchun tashkil etilgan professional boks kechasida 32-22-guruh talabasi Ramil Shukumerov g‘oliblar safidan joy olgan edi.
Joriy yilning 6-iyun kuni Guliston davlat pedagogika instituti rektori v.v.b. A.Qalandarov U.Hakimova va R.Shukumerov bilan uchrashib, yurtimizda yoshlarga yaratilgan imkoniyatlardan oqilona foydalangan g’oliblarimiz yutuqlarini e’tirof etib, samimiy tilaklar bildirdi hamda pul mukofotlari bilan taqdirladi.
GulDPI axborot xizmati