Talabalar muammolariga e’tibor va guruh sardorlari mas’uliyati muhokama markazida

🤩Guliston davlat pedagogika instituti Gumanitar fanlar va jismoniy madaniyat fakultetida fakultet mas’ullari hamda institut psixologi M. Xudoyqulova ishtirokida guruh sardorlari bilan navbatdagi yig‘ilish o‘tkazildi.

Yig‘ilishda talabalar davomatini nazorat qilish, ularning faolligini oshirish, muammolarini o‘z vaqtida aniqlash hamda ma’naviy-ma’rifiy tadbirlarni tizimli tashkil etish masalalari muhokama qilindi.

M. Xudoyqulova talabalarning ruhiy holati va hayotiy maqsadlari yuzasidan ochiq muloqot olib borib, art-terapiya, stressni boshqarish va ijobiy fikrlash bo‘yicha amaliy tavsiyalar berdi. Guruh sardorlarining talabalar bilan yaqindan ishlashi hamda fakultet mas’ullari bilan hamkorligini kuchaytirish bo‘yicha vazifalar belgilandi.