Tarixiy-madaniy merosni tadqiq etishda fanlararo hamkorlik: ilmiy qarashlar va istiqbolli yondashuvlar

🤩Guliston davlat pedagogika institutida “O‘zbekistonda tarixiy va madaniy yodgorliklarni tadqiq qilishda tarix va san’atshunoslik sohalarining o‘zaro hamkorligi: muammo, yechim va istiqbollari” mavzusida ilmiy-amaliy konferensiya bo‘lib o‘tdi.

Anjumanda institut rahbariyati, Jizzax davlat pedagogika universiteti, Guliston davlat universiteti, Toshkent arxitektura-qurilish universiteti hamda Guliston davlat pedagogika institutining yetakchi olimlari va professor-o‘qituvchilari ishtirok etdi.

Konferensiya doirasida arxeologik manbalardan muzey faoliyatida foydalanish, Sharq xalqlarining badiiy-madaniy merosi, qadimgi dehqonchilik tarixi, tarixiy madrasalar faoliyati, qoyatosh tasvirlari, me’moriy yodgorliklar va ularning san’at asarlaridagi talqini kabi dolzarb ilmiy masalalar muhokama qilindi.