O‘z huquqini bilgan talaba — o‘z kelajagiga mas’uliyat bilan qaraydi

🤩Guliston davlat pedagogika instituti Tillarni o‘qitish fakultetida talabalarning huquqiy bilimini oshirishga bag‘ishlangan uchrashuv o‘tkazildi. Unda fakultet dekani N. Abdukadirova hamda institut inspektori, katta leytenant Sh. Toshpo‘latovlar ishtirok etdi.

Uchrashuvda mehnat qilish, ta’lim olish va tibbiy xizmatlardan foydalanish huquqlari tushuntirildi. Talabalarga o‘z huquqlarini bilish, qonuniy manfaatlarini himoya qilish va mavjud imkoniyatlardan to‘g‘ri foydalanish yuzasidan ma’lumot berildi.

Ochiq muloqot davomida talabalar o‘zlarini qiziqtirgan savollariga javob oldilar.