Talabalar farovonligi va xavfsizligi — institut va mahallaning hamkorlikdagi vazifasi

🤩Guliston davlat pedagogika instituti Gumanitar fanlar va jismoniy madaniyat fakulteti mas’ullari “Buyuk kelajak” mahalla fuqarolar yig‘ini yettiligi bilan hamkorlikda Jismoniy madaniyat yo‘nalishi talabalarining yashash sharoitlarini o‘rgandi.

Tashrif davomida talabalarga yong‘in xavfsizligi talablariga rioya etish, elektr jihozlaridan to‘g‘ri foydalanish hamda ichki tartib-qoidalarga amal qilish yuzasidan tushuntirishlar berildi. Shuningdek, turli salbiy holatlarning oldini olish bo‘yicha tegishli tavsiyalar bildirildi.

Talabalar bilan ishlash, ularning yashash sharoitlarini o‘rganish va profilaktik tadbirlarni tashkil etishda institut hamda mahalla o‘rtasidagi hamkorlikni tizimli yo‘lga qo‘yishga kelishib olindi.