Talabalar xavfsizligi — doimiy e’tiborda
0 ko'rildi
🤩Guliston davlat pedagogika institutida talabalar xavfsizligini ta’minlash va ularning yashash sharoitlarini yanada yaxshilash masalalariga bag‘ishlangan seminar o‘tkazildi.
Seminarda FVB boshlig‘i o‘rinbosari A. Gazixodjayev, institut professor-o‘qituvchilari hamda tyutorlari ishtirok etdi. Unda talabalar turar joylari va ijara xonadonlarining kuz-qish mavsumiga tayyorgarligi, yong‘in va boshqa favqulodda vaziyatlarning oldini olish, xavfsizlik talablariga rioya etish masalalari muhokama qilindi.
Shuningdek, talabalar yashash joylarini muntazam o‘rganib borish, aniqlangan kamchiliklarni o‘z vaqtida bartaraf etish hamda profilaktik tushuntirish ishlarini kuchaytirish bo‘yicha tegishli tavsiyalar berildi.
