Vatan manzumasi – vatanparvarlik tarannumi
O‘zbekiston Respublikasi Prezidentining PQ-10-son qarori “Ichki ishlar organlarini xalqchil professional tuzilmaga aylantirish va aholi bilan yanada yaqin hamkorlikda ishlashga yo‘naltirish bo‘yicha qo‘shimcha chora-tadbirlar to‘g’risida” qaroriga muvofiq respublikamiz bo‘ylab “Vatan manzumasi” mavzusidagi adabiy-ma’rifiy tadbirlar bo‘lib o‘tmoqda.
Joriy yilning 27-aprel kuni Sirdaryo drama teatrida o‘tkazilgan mazkur tadbirda Guliston davlat pedagogika instituti Yoshlar masalalari, ma’naviy-ma’rifiy ishlar bo‘yicha prorektor Behzod Tagayev, professor-o‘qituvchilar hamda tyutorlar boshchiligida institutning iqtidorli va faol talaba-yoshlari ishtirok etdi.
Ushbu tadbirda O‘zbekiston Respublikasida xizmat ko‘rsatgan artist G‘iyos Boytoyev, O‘zbekiston Respublikasida xizmat ko‘rsatgan artist,teatr aktrisasi Shoxida Ismoilova vatanimizni madh etuvchi qo‘shiqlari va sahna ko‘rinishlarini namoyish etdi.